حياة التماسيح

1- مرحلة ما قبل الولادة :
يبدأ التمساح في بطن أمه بطلب بعض الطلبات الغريبة خلال الثلاث الأشهر الأولى مثل
( الصابون ، الشطة ، الطين البحري ، طين البيوت القديمة ، الزيتون ، الجبنه البيضاء ،
الكرس ، الكبد ه ، الطحال ، الجناااااااان )
2- في الشهر الرابع ، والخامس ، والسادس
يسوي عربجي بالقوة يرافص وحركاته كثيرة
3- في الشهر السابع والثامن
يمثل علينا ويسوي نفسه مااااااااااااااات .. يقلل من الحركات والرفصااااات والشوتات
4- يشرف التمساح بعد تسعة شهور من المعاناة المستمرة من مستوصف للثاني بحثا عن حلول لرغبات التمساح .
المرحلة الثانية :
1- مرحلة التسمية ، لابد أن يكون الاسم حلو لا يقل عن أربع حروف مطابق تماما للمواصفات والمقائيس العالمية ......... ويالله كل تمساح كبير يختار اسم
عاد يطلعون لك التماسيح مما هب ودب من الاسماء
من سامي إلى كامي إلى رامي إلى سعود دهن العود .
2- مرحلة النمو الأولى :
يتربى التمساح ويتغذى على حليب الأم أثناء العطل الرسمية والايام العادية ، وفي الصباح ينتقل مع الشغالة إلى بيت جدته أم أمه يراعونه لحد ما تجي من شغلها وهات ياحليب بروميل وبيوميل ونيدو وهات الامساك والقرف
وهات مستوصف خاص .
طبعا إذا كان عندهم بنت مخلصة ثانوي وما أنقبلت الله يعينها عليه تربيه كنه ولد أمها وهي خالته ، وإاذ كان بس الأم الله يعينها تقطع صلاة الضحى من صياحة وهات المشاكل ، طبعا يجي أبوه ياخذه ويتغدى لانه ما يجي الا وقت الغداء يوقت تماما وحركات ومجاملات على الفاضي ، وتعبكم أدري تعبكم .
3- مرحله الحبو:
طبعا من الصالة لغرفة النوم للمطبخ أي شئ يلاقيه يرمي في فمه أي شئ يتعرف
صراصير على قراش فصفص على حلويات على فاين أي شئ في طريقه ياكله ..
يعني وفر علينا الكنس .
4- بعد ثلاث سنوات .. مرحلة الطلبات والروضه
أول ما يدش الروضه يبدا يتعرف على البنات ويجي يعلم التمساح الكبير باسماءهم وأوصافهم وعيونهم ،
ويطلب سيكل ثلاث كفرات والا سيارة حمراء ولازم النور يولع والإشارات شغالة .
5- مرحلة الدراسة :
أول يوم يبكي ويصارخ متعود على النوم والكسل ، لكن يجيه كفين تركده تخليه يكره المدرسة لكن
يؤمن بالأمر الواقع ، بعد كذا يتعلم الفسلقة والكذب والتمثيل
بطني يعورني ، عندي مغص ، عيوني
لأنه ما حفظ النشيد ، ولا حل واجب الرياضيات ، ولا كتب القراءة
مرحلة النمو الثانية :
مرحلة المراهقة .. يشوف أن الله ما خلق تمساح الا هو كل يوم وهو ضارب أخته وألا أخوه لكن لمن يجون بنات جيرانهم زيارة لبيتهم تشوفه وديع ياقلبي الا هو عاشووووووواااااااا
وحبيب وش تبون يا أهلي أجيب لكم شئ من البقالة مكسرات فشار خليط كيك جاهز
وألا أروح بندة اتري لكم ، أرب الزوار يعجبون فيه هو وجهه ويناظرونه وهم عارفين
حركات لان عندهم تماسي زيه ببيوتهم . راحو أنقلب الوديع اللي
من شوي إلى تمساح كاسر لا أحد يلمس التلفون لا تشغلون التلفزيون
من اللي يسمع أغاني بالبيت الأغاني حرام .
وغرفته اللي هي زي الوكر مليانه من الاغاني والدشوش ........ يتبع <<
في المرات القادمة سوف نكمل الحديث عن حياة التماسيح